Kreu i Kadastrës Shtetërore, Artan Lame në një deklaratë për mediat tha se Presidenca nuk ka regjistruar asnjë pronë të vetën, ku dhe i është drejtuar me një thirrje presidentit Bajram Begaj që të regjistrojnë godinën si pronë shtetërore.
Lame tha se aplikimi për regjistrimin e godinës fillimisht duhet të bëhet në portalin E-Albania, ku më pas pritet miratimi pasi ende dhe sot Presidenca rezulton e pa regjistruar.
“Presidenca nuk ka të regjistruar asnjë pronë të veten. Ligji 20/20 nuk u dekretua nga presidenti i republikës në atë kohë. Unë kam kërkuar të miratohet sepse do i hapë rrugë regjistrimit të pronës shtetërore. Presidenca rezulton edhe sot pa regjistruar. Presidenti i asaj kohe bëri një dalje duke thënë se ishin vjedhur pronat e presidencës, por ajo vjedhje është bërë sepse presidenca nuk ishte regjistruar. I bëj thirrje presidencës të aplikojë në E-Albania për të regjistruar pronën e tyre”, tha Lame.
